دوز آدامدان نیشان یوخ
یالان سوزو آلان یوخ
یالانچی دان اوزاقلاش
یالان اوسته یامان یوخ
düz adamdan nişan yox
yalan sözü alan yox
yalançidan uzqlaş
yalan üstə yaman yox

بئینیمزدن قوپارماز
شوعورسوزلوق قوتارماز
آخماقلیق،ائششگ لیگی
یاغیش یویوب آپاماز

بوش یولوندا دوراجاق

قلبینده اوتوراجاق

گؤزل گؤزلرینده عشق

بیر گون یووا قوراجاق

دوغوم گوندن چکیب حسرت الی بوش

آلین یازیسی دیر ذلت الی بوش

بیرآرواد وار سککیز دوققوز اوشاقی

ائدیب تولید ده شرکت الی بوش

فلاکت دریاسیندا غرق اولوبدور

نجاتا تاپمیوب فرصت الی بوش

قوناقلیغا ائشیتدیم دعوت اولدو

تویوغا وئرمه دی مهلت الی بوش

بوراخدی آروادی آجلیق گوجوندن

دؤنن تا ائیله دی وصلت الی بوش

باغیرساقی اولار آباد اگرکی

گتیرسین یوزمین ایل طاقت الی بوش

اؤله ر بورجون سونوندا،بورج باشیندا

دیری دیر بیر نئچه مدّت الی بوش

بهشته ایسته ییر یول تاپسا ،شاید

بیر آزجا ائیله سین عشرت الی بوش

اون – اون بش درصدی وارلی،ولیکن

تپرسیز،آج،بیر ملت،الی بوش

پولون اولسا کیشی،ارباب،آغاسان

اگرکی اولماسا،نکبت الی بوش

توکوب یارانه دولت،بانک اونونده

توتوب هرکیمسه دن سبقت الی بوش

قالدیم قارین ایچینده

دارشالوارین ایچینده!

بولبول کیمین قالمیشام

قارغارلاین ایچینده!

اؤلوم دور یالان اولماز

ائششک سیز پالان اولماز

اؤلندَن سورا سَنی

مَنی آختاران اولماز

آداغلار،آلاداغلار

اوجا بوی،قالا داغلار

عاشیق اولوم سئوگیلیم

کونلومو آلا داغلار

یاش گؤزلریم قارالیر

تئللریمی قار آلیر
آرواد اوشاق یانیندا
هرگون اوزوم قارالیر

سلام اولسون سوغانلارا

قاری آرواد بوغانلارا!

موبارک اولسون یئنی ایل

اولوبلار آج و آج میللت دَه دین یوخ 
بو میللت دَه به غیر از آج قارین یوخ 

سیچیب دونیایا گل گؤر، دی :یاشاسین!
ترامپِ بینی بوش،  "چین"و  " پوتین" یوخ! 

تاپیلمیر " وارفارین" ایراندا بیرگؤن
تاپیلسا، هی گئت آختار "انسولین" یوخ

قیز- اوغلانلار سوبای، دئپرس، کَدَرلی
زنا و صیغه چوخ دور، توی، کبین یوخ

نَه دیر ایران؟: بولاشیق بیر خیارلیق 
بو بوستاندا آراماق و وجین یوخ

اولار خوش حالینا یولداش، اگر کی
اوشاغین یا کی آروادین، اَرین، یوخ

چاتار بیر گؤن مَنَه "حافظ" چالیشسین
اگر سعی ائیله سین" ابن یمین" یوخ

" کل اوغلانین" بوتون اشعاری یاوه 
مزخرف دیر،دَیَرلی و دَرین یوخ

#علیرضا_رضائی 
#کل_اوغلان
@keloglan1349